又到九號了！

今天是我跟他相識的四個月紀念日
^______________^

其實沒什麼特別，只是想記下跟他有關的日子
也記不起有多久沒有一篇記下開心事的entry了

這一天，也算是值得開心的一天吧！
希望這一天會是一個轉捩點，日後的entries都會是開心的！　>@<

「嘩！你又做 part-time 啦？又返學又 part-time，你有時間陪男朋友架啦？」
「我都唔駛點陪既，我地都唔多見面架喎」
「吓．．．咁你地幾耐見一次呀？」
「冇一定架喎，有時會見得好密，有時好耐先見一次囉」
「咁你對上一次幾時見佢呀？」
「嗯．．．11日前」
「嘩！！咁耐？」
「好耐咩？再對上一次隔左成 17 日啦～～」
「嘩嘩嘩！！～～～　你地係唔係拍緊拖架？」
「梗係！」
「咁耐冇見，你唔會掛住佢架咩？」
「以前會好掛，宜家唔會再好似以前咁掛住佢 lu」
「吓？點解呀？你唔鐘意佢啦？」
「唔係！只係我已經習慣左唔同佢見面的日子啦！」
「但成日唔見，你地唔會變淡，keep到架咩？」
「唔知喎．．．佢自己都同我講，keep到的會盡力去keep，
keep唔到都冇法架啦！講真，呢 D 野根本就唔輪到我話事同控制」
「但成日唔見，你唔會炸佢營架咩？比我一定炸曬營」
「唔會喎，你第一日識我咩～　你知我一向都唔會好似其他女仔咁架喎」
「咁又係．．．所以你咁受男仔歡迎囉～～～　呵呵～～～　^O^」
「你去死啦！～　一_____________一　係鬼」
「唔駛唔認啦！個個都話你唔可以同一般女仔相提並論架啦！
邊似得我呢D咁ordinary的女仔呀～～～～　= . =」
「死人頭！係唔係咁都要玩我呀？　>”"<　我唔同你講野呀！」
「哈哈！好好．．我唔再講啦！咁你地下次幾時再見面呀？」
「我唔知喎．．．一___________一?」
「吓？唔知？你地打算破 17 日紀錄呀？咁計，你地一個月咪見得一次？！！」
「你問我，我問邊個？點知啫～　可能平紀錄，可能破唔到，
又可能學你話齋，大破紀錄囉」
「真佩服你地點解咁都可以keep到？」
「D異地戀，一年先見得果一兩個月咪一樣keep到！」
「但人地會日日玩msn玩webcam見到面喎，你同佢好異地咩～～～
一樣都係香港之麻！」
「咁你當我同佢玩神交囉，你鐘意就得啦！哈哈～～～」
「咁都得？真係無野好講！人地拍好多年拖果 D 就話好耐都唔見唔會影響感情啫，你同佢好似三個月喳喎，你估三年咩？！」
「俗語有話，一日不見如隔三秋，咁你可以當我同佢拍一月如拍一年囉！哈哈～～～」
「．．．唔係呀嘛，咁第七個月時咪會有七年癢囉？」
「＝口＝”」
「但你地咁樣唔係辦法喎，佢唔會擔心因為少見面，你會比人搶0左架咩？」
「佢唔會架喎」
「嘩！勁人！！好想識佢！佢係第一個咁勇的人呀！！偶像呀～～～　^O^」
「＝口＝　你咪咁無聊啦！」
「嘻～～　咁講返你啦！～　你成日都唔係佢身邊，咁你有冇 check 住佢架？」
「無喎」
「吓？點解呀？你唔驚佢偷偷地識過其他女仔咩？」
「首先，我一向都唔會做埋D咁既野，咁多時間去check，我唔好去訓多D？
另外，佢一定好唔中意有人check佢！check來check去有咩意思？一D尊重都冇！重點係我信佢唔會！即使真係，我諗我果一刻會好失望，因為我睇錯人，但都冇法，佢揀得第二個既，都因為佢覺得第二個比我好，更適合佢．．．」
「真係唔知講咩好．．但真係要寫一個服字比你，亦都要寫一個服字比你男朋友！服你唔似一般女仔咁小女人！服你男朋友唔會擔心你比人搶0左去，哈哈哈．．．．．」
「一_________________一　你好無聊呀！」
「點都好啦！雖然我唔識你男朋友，唔知佢為人係點，不過我諗你揀得佢，
佢一定有你欣賞的地方，如果唔係，你唔會揀佢既！我諗你地會一直好好既！但係你第日一定要介紹我識呀！我要識呢位第一勇士！！好想識呢位破天荒可以食住ear的勇士呀！　嘩哈哈～～～」
「＝口＝　你係天下第一低B人！」

屈指一算，原來我跟他已經有 11 天沒有見面了
11 天，真的很多嗎？
對我來說，其實已經算不上什麼，
反正上一次都相隔了 17 天才見面
跟 17 天相比，這一個紀錄，還有 6 天的差距

隔了這麼多天沒見面．．．
以前，我一定會很想念他，很想很想早點見到他
現在，這個感覺已經漸漸淡忘了，不是不想見到他，也不是不再愛他

只是我已經習慣了不跟他見面的日子．．．

他約我，我會很爽快的回應說：好呀！^_____________^
怎忙也好，也會擠出點時間來陪他，因為這是很難得的

以前是，現在也是！

他不約我，以前我會有點失望，現在我不會了。

 

 

 

無錯，因為我已經習慣了！是好事嗎？連我也不知道！

有誰可以告訴我？

告訴我什麼？連我想知道什麼我也都不知道
又有誰可以告訴我？

夠了
連我也受不了自己

轉眼間，就是三個月了。

這一個月彷彿過得很久似的．．．
想寫下想記下的都不想寫不想記

心血來潮，拿了月曆來數數．．．
原來十二號是特別的一天
是我今個學年，第一天正式上課的日子
也是我跟他的１００天紀念日　^_________^”

如果有情敵，又會是怎麼的一回事呢？

呢兩日，不斷問自己．．．
我係唔係應該打定輸數？
或者我應該打定輸數．．．
咁樣到真有其事的時候，我的心會好過一點

係唔係呢？

因為我根本就係零把握，感覺仲慘過考試
其實我真係好失敗下．．．
做野蠻女友做不好，做體貼女友同樣做不好
唉．．．我係唔係差成咁呀？
感情上，我註定是失敗者

 

今晚聽到 twins 的救生圈
感覺好唔好受

唔通我又要再次過返兩年前行屍走肉的生活？
最慘就係連累媽咪同我一齊受罪．．．好過意唔到
如果真係，我呢一世都會討厭九月！
九月．又係九月！

很想收起來
可以的話，很希望把不開心的事都收起來
可以的話，很希望把不開心的回憶都抹掉

我不想他不開心

很想跟他說我很愛他
很想跟他說只要跟他一起，我便很快樂的了
很想跟他去建立我跟他的快樂回憶

可惜，一切都不在我掌握之內

很想叫他對我們這段關係堅持一點
很想叫他對自己有信心一點
很想叫他給這段關係多一次的機會

但是，我不能左右他的想法

我很不安，感覺他真的會放棄我
我很無助，彷彿我做什麼也改變不了
我很想他，想得快要死

最想跟他說的始終還是：

你對我來說是很重要的，因為我視你為我的親人。
我不想失去你，也很怕失去你
路有多難行也好，至少還有你
即使有多不愉快，只要跟你一起，不愉快的事都會忘了

我只是一個簡單女生
我只是想跟我喜歡的人在一起
我只是想有一個會對我不離不棄的人
我只是想有一個願意牽著我與我並肩齊行的人

是你鼓勵我要對我們有信心，有希望
但為什麼到頭來，你郤失去信心和希望？
千萬個不希望你會因為一點點的不愉快而選擇結束
不是你不好，只是我多慮，總愛向壞處想
如果我不多想東想西，就沒有這些不愉快
對不起．．．

很想親口跟你說：我答應你我不會再哭，我不再多慮．．．

原因只是因為我真的全心全意去愛你

這裡也許沒有更新機會了
沒有他的事，也不再值得記下來
故事完了嗎？
是句號，還是分號？

我希望只是一個分號，我跟他的故事會一直寫下去．．．
即使是一個句號，也只是第一章完了。
還有第二章，第三章．．．．
我跟他的故事是有很多章的，多得數不完

我希望他會跟我說，會給這個故事一直寫下去

希望，但希望會成真嗎？